羅仲謙滿足現狀追求圓滿

藝人羅仲謙（謙仔）首次擔正演出青春劇《衝線》，拍攝以來，劇中的年輕演員包括蔡思貝、吳若希、沈震軒、溫家偉等造就不少緋聞，關係異常混亂，謙仔笑言這一切都在意料之中：「有晒心理準備，大部分都係後生仔，蔡思貝係港姐，吳若希又係當紅歌手啦，加埋沈震軒、溫家偉、周志文咁實有喇！但我哋唔可以因為驚咗呢樣嘢而做唔到一班人嗰種感情，以我個角度去睇咪當宣傳囉。」

娛圈遊戲規則

今次能夠參演謙仔大表榮幸，笑稱自己年屆三十是「青春水尾」，要趁魚尾紋未出好好把握機會，無懼緋聞纏身：「以前我都有少少介懷緋聞，但要睇吓你用咩心態去睇，你要明白係咩職業，唔可以因為唔好嘅新聞影響工作態度，傳媒同藝人各有各工作，大家取個平衡協調囉，娛樂圈嘅遊戲規則就係咁。」

謙仔無懼與蔡思貝（左）及吳若希（右）傳緋聞！	謙仔（右起）與沈震軒、蔡思貝、溫家偉、周志文是拍青春劇的不二人選。	羅仲謙認為結婚是人生必經階段。

將根發揚光大

謙仔入行已十一年，工作、感情都已上軌道，近年開始思考人生的圓滿，他說：「我會珍惜呢一刻我所擁有嘅嘢，無論我身邊所有人，事業、親情、感情咩都好，我好滿足、好開心得到擁有嘅嘢，希望可以將呢樣嘢做一個根，將佢發揚光大。（是否考慮與女友楊怡結婚？）冇刻意去諗，到我呢個歲數，工作、婚姻、有下一代，跟住退休，係每個人必經嘅階段，到我呢個年齡都要為將來做好準備。」

文：影視組

場地：tom bar & grill @科學園

服裝：AAPE BY A BATHING APE

鳴謝：The Contact Store