林奕匡捱出頭 感激女友
去年是林奕匡吐氣揚眉一年，憑一曲《高山低谷》初踏頒獎台兼舉行音樂會，更有不少人向他登門邀歌，Phil沒有因而沾沾自喜：「坦白講呢隻歌之前，基本上係無人搵我，我覺得好正常，自己歌無人識，人哋點放心畀你做。」繼早前周柏豪選了Phil的作品，連天后容祖兒都向他邀歌，總算捱出頭來。
工作漸入佳境，稱除家人外，Phil最感激是拍拖7年的女友對他無限支持：「佢一直好支持我，如果有朋友喺佢面前讚我，佢會笑住講『我7年前已經知啦，慢咗啦但唔太遲』。」他更坦承視對方為終身伴侶：「我哋都明白錢唔係最重要，一個陪你走過高山低谷嘅另一半係最難得。」
場地﹕hmv kafe