蘇志威潮攻中環打造Lucky Dress
唱得跳得的蘇志威（阿細）一向甚有生意頭腦，瓣數多多的阿細近年進軍禮服界，迅速成為業界龍頭，更跑到中環地帶插旗，成為新一代上班族西裝潮服之首！而不少演藝界朋友亦對蘇老闆的禮服虎視眈眈，望穿上「Lucky Dress」橫掃頒獎禮。
有蘇老闆之稱的草蜢成員蘇志威在2012年開設男士禮服專門店，在短短的兩年中，公司已經獲得不錯的成績，不單止連續兩年獲得服務大獎，公司親自設計的禮服更成為不少準新郎挑選禮服的指標：「雖然得到大家嘅認受性，但其實都有啲壓力，因為商業冇咩秘密，大家都見到我哋會有咩款，所以要一直往前走，除咗款式外，依家嘗試緊用唔同布料，有啲布仲係我哋自己做。」
唔打算造婚紗
談到蘇老闆可會再下一城挑戰婚紗範疇？他即決絕表示從未有涉足婚紗設計的打算：「要追溯番我哋開店嘅原因，當時朋友結婚發現冇專做禮服嘅舖頭，所以就決定自己做依一門生意，既然婚紗有好多人做緊，咁點解我哋唔做番自己專長呢？我哋中環分店仲會專門製造西裝。」他又講到現在不少圈中好友都有借他的禮服出騷：「我哋嘅衫仲有Lucky Dress之稱，因為好多人着住件衫攞獎，好似張繼聰咁，一着就拎咗飛躣進步男藝員。」
與攝影師合作
另外，蘇老闆早前與著名攝影師photobyben合作為客戶提供服務，兩人表示在一個活動上認識一拍即合，好希望會有更多合作機會，蘇老闆表示：「Ben係一個好有經驗嘅攝影師，好希望下次再有合作會係designbyben，由Ben用經驗去設計點樣嘅衫最襯新郎。」
文：音樂組
服裝：LUXE Tuxedo