顧嘉煇成身飛債爭取再加

「樂壇教父」顧嘉煇將於紅館舉行《顧嘉煇榮休盛典演唱會》，參與今次演出的十二位樂壇巨星包括鄭少秋、汪明荃、張敬軒、謝安琪、葉麗儀、陳潔靈、張德蘭、關菊英、葉振棠、區瑞強等齊向煇哥獻聲致敬。演唱會將於5月8日起連開六場，由於銷情超級理想，七小時七萬二千張門票全部搶購一空，主辦機構有見及此即宣布加開14至17日四場，並於昨日開賣。

人龍處處

昨日記者到售票站採訪，門票於昨晨十時開售，各售票站都出現人龍，尖沙咀分店更有樂迷為求一票早於七時半已在門外等候，在過百樂迷中排頭位的簡先生透露，早已入手前六場的門票：「場場都會睇，今日咁早嚟都係想買埋另外四場。」開售不久成功買票的簡生更大晒門票，表示期待聽到煇哥的電視劇金曲。另外排頭四位的王先生與幾個朋友一齊排隊，直言會買最貴$680的門票，希望欣賞各首經典名曲，問到覺得場次是否足夠？王生則認為很足夠。

大批歌迷昨日晨早排隊買飛，四場門票即日掃光。	煇哥與一眾演出的歌手對門票反應熱烈，都大為興奮。	煇哥（左）與新娛國際負責人丘亞葵知道喜訊，飲得杯落啦！

貴飛超額

煇哥的榮休演唱會一票難求，四場加場的$180元門票在開賣後五分鐘掃清，傍晚時分已賣出九成半，僅餘單丁位，主辦機構新娛國際負責人丘亞葵昨日說：「係呀，反應好好，我諗今晚售票網close時候應該賣晒。（會唔會考慮再加場？）紅館冇檔期，我哋會再傾，依家內部訂購貴飛超額咗成三、四千張飛，我會盡力爭取，希望可以加到一、兩場，但未落實。」

文：音樂組