林峯謝絕女色 舞裝抗敵
林峯今晚以香港代表身份與韓國組合INFINITE及日本樂隊SEKAI NO OWARI參與音樂會，昨日眾人出席記者會，林峯坦言不怕被對方搶風頭，並充滿自信說：「我唔會輸。」更自爆為免排舞分心，謝絕女友吳千語探班。
林峯、馮允謙、韓國組合INFINITE、日本樂隊SEKAI NO OWARI及內地《中國好聲音》第三季冠軍的張碧晨等，昨日出席今晚舉行的「香港亞洲流行音樂節2015」的記者會，台灣代表范曉萱因病缺席，另有韓國組合INFINITE歌迷趁亂走入傳媒區，當偶像出現即舉機「喪拍」，最後要出動保安驅趕離場。
一拖八串燒歌
問到林峯擔不擔心今晚音樂會被韓國及日本代表搶風頭？他說：「唔驚，我唔會輸。」並透露將獻唱串燒歌：「有啲緊張，排咗好多次舞，到時會同八位男舞蹈員一齊跳。」問到女友吳千語會否捧場？林峯全程冧笑說：「唔會，佢有嘢做。（後台打氣？）精神上支持就得。」問到對方有否到排舞室探班？林峯說：「冇呀。（驚分心？）係要好集中，新舞步好密集，呢個幾月不停練。」早前先後被影到同女友行街「濕平」，林峯說：「嗰啲係補給。」
以壓軸參賽者出場的馮允謙說：「唔諗贏輸，希望順利入到第二Round。」對於好友林欣彤疑似被男友虐打，馮允謙說：「唔知，佢係好好女仔同好強，睇到報道都好surprise。（有冇搵佢？）冇，畀啲空間佢。」
INFINITE愛發哥
另外，INFINITE透露今次來港沒時間「濕平」及觀光，問到最想同哪位港星合作？他們說：「小時候有看香港電影，想和成龍、周潤發和郭富城合作。」同場的SEKAI NO OWARI自爆前晚跟工作人員到酒吧消遣，他們說：「工作人員教我們玩骰盅。」隊中成員Saori表示想坐昂坪360纜車，可惜工作排得密密麻麻未能如願。
文：音樂組