何傲兒醜爆街頭途人唔認得?

緋聞多多的無綫藝員何傲兒在新劇《波士早晨》中化身「超醜哨牙妹」，被指是「靠醜博翻身」之作，日前傲兒與黃智賢（Ben）及被封為「狐狸精接班人」的李佳芯（Ali）到尖沙咀拍攝外景，引來十多名途人圍觀，傲兒戴上黃黚黚哨牙、化妝變矇豬眼及黝黑皮膚，加上娘爆打扮，幾乎冇街坊認得，途人都表現好奇，討論這位醜女究竟是誰？

照鏡嚇窒

懶理被眼望望的傲兒，演出夠晒放且表情多多，扁嘴、咧嘴大笑又擘口O嘴，完全放下靚女包袱，效果令人噴飯，難得Ali及Ben仍能忍笑，拍完後Ben更豎起手指大讚傲兒冇得頂！而休息時傲兒整理儀容，她一照鏡即瞪大雙眼，未知是否被自己的樣子嚇親。

劇中傲兒及Ali是孖生姊妹，好勝的Ali因想改變命運決定整容變靚。傲兒則稱不介意演醜角，並指角色大情大性，故表情較誇張，希望帶正能量給觀眾，但直言扮醜相當辛苦：「戴住牙套會流口水，而且成日哨出嚟合唔埋嘴，搞到嘴唇勁乾！講嘢又唔正！不過講嘢唔正係角色特色，我平時練對白都會戴住牙套。」對於沒有途人認出她，她笑言覺得開心，證明化妝成功。

何傲兒以哨牙妹造型拍外景，連圍觀途人都認不出她。	何傲兒補妝時照鏡，被醜爆樣貌嚇到O嘴。	黃智賢與李佳芯大讚何傲兒交足戲。

樂做姣精

至於Ali大讚傲兒豁出去相當犀利：「開頭知道佢做，我好surprise，佢咁靚女喎！但佢真係演得好放！」問到會否跟角色一樣去整容，Ali笑言不會效法：「每個人生出嚟都獨一無二，但我個角色本身仲醜過傲兒嘅角色，成日畀人蝦，所以佢冇做錯，只係自強。」提到最近人氣急升，Ali承認拍攝《名門暗戰》及《學是學非》後多了fans，覺得很有滿足感，不介意繼續演姣精角色。

文、攝：影視組