謝天華日出而作 做換片專家
藝人謝天華、無綫劇集《以和為貴》演員徐子珊、馬德鐘、朱千雪、江美儀等昨日擔任李思捷節目《今晚睇李》嘉賓。天華兒子已經個半月大，他笑說：「而家好似農夫咁每日都好早起身，但係enjoy嘅，換片都係我一腳踢o架，不過湊仔真係有排學，個仔又行緊美國時間，日頭瞓覺夜晚就眼仔睩睩，但係見到佢健康愈嚟愈厚肉都好開心。」
朱千雪下月將開拍攝無綫新劇《EU超時任務》，講到有指她頂替胡杏兒擔任「女一」飾演女警，朱千雪說：「唔清楚，其他演員嘅角色我唔清楚，自己都未去傾劇本。（做女一會唔會壓力大？）做咩角色都有壓力，反而遲啲要接受EU訓練，要學開槍，驚睇起嚟唔似。」