徐子珊電視精 睇舊作檢討

徐子珊、薛家燕、胡楓（修哥）昨日出席無綫於影視展舉行有關開拓OTT廣播服務平台活動，無綫電視執行董事兼總經理鄭善強於台上詳細講解，對於下月啟播的粵語片台將播放超過1700套片，鄭善強表示會播出於亞視買下的一部分粵語片，更指OTT將開放與不同平台合作，問到會否包括港視？他謂：「個服務明年先誕生，唔知佢哋有冇內容供應，當然我哋公開條件入面，都會有商業模式，但都唔會抹殺任何可能性。」

習慣每日睇新聞

而自言是電視精的子珊則透露每日起床也會看新聞，閒時也會觀賞劇集及不同國家的綜藝節目，笑指現時新科技需要時間消化，問到有否擔心觀眾翻看其舊作會把其容貌作出比較？子珊笑謂：「都冇辦法，實睇到有唔同，人會長大嘛！冇所謂啦！但自己睇番以前嘅劇會覺得自己做得好差，覺得需要進步囉！」

修哥被笑口窒窒

至於家燕姐與修哥現均對於粵語片台即將啟動表現興奮，表示透過觀賞粵語片，可看見很多歷史見證，修哥更透露他演出的《彩色青春》當年大收70多萬票房，成為該年代票房最好的一套粵語片。而將與謝賢（四哥）拍攝真人騷《4個小生去旅行》的他，表示拍攝地點還在保密，問到會否擔心拍攝時被四哥寸？家燕姐聞言即笑謂：「修哥講嘢都自己窒自己啦！成日你、你、你啦，都唔使等四哥開聲。」修哥對此也大表認同，場面惹笑。

文：影視組