龔嘉欣喪收兵 遭陳智燊鬧醒
飾演室內設計師助手的龔嘉欣於新劇扮演不斷「收兵」的公主病港女，廣納具備不同「功能」的裙下之臣。嘉欣說：「我嘅角色收兵會睇功能性，例如見到好叻整電腦或最識飲識食嘅男士就會收為己用。」被觀音兵視為女神的嘉欣可謂要風得風，刁蠻的她進入室內設計公司後又力爭表現，更不時冇大冇細呼喝同事，結果被上級陳智燊當眾鬧爆。
陳智燊自爆當時放膽怒罵嘉欣「港女」：「導演叫我放膽鬧，所以拍嘅時候比對劇本時更惡咁鬧佢！不過劇中佢愈畀我鬧就愈鍾意我，可能被我鬧醒咗，因為我而正視到自己有問題。」角色強勢的嘉欣笑稱最後反被陳智燊收服：「佢叫我唔好再收兵同做娘娘！」監製李艷芳對此笑指二人於劇中上演一場寫實又地道的《馴悍記》。