朱穎詩探訪劏房戶 勵志故事學慳家

仁濟醫院副主席王賢訊（Vincent）與太太朱穎詩（Vincci），昨日出席慈善電影放映會。向來熱心公益的二人透露，曾到荃灣二陂坊的劏房進行慈善探訪。Vincci說：「其實裏面有好多好勵志嘅故事，喺嗰度住嘅家庭，可能一家四口，淨係爸爸做地盤紮鐵，有三萬蚊一個月，養全家。不過對於佢哋嚟講，喺五年裏面置業都唔係好難。因為佢哋好慳，每個月使唔過五千蚊，所以做人一定要努力。」她坦言現今香港的小朋友普遍太幸福，物質生活豐盛，故必須讓孩子知道幸福非必然。而Vincent亦表示教育小朋友，最重要是以身作則，做個好榜樣。