鍾麗淇扶持愛女重投校園
前藝人鍾麗淇昨日出席慈善活動，透露患上罕見基因病的女兒Isabella已開始上學。雖然4歲大的囡囡在走動及說話上仍有困難，但她卻非常堅強面對未來。
近年專注發展瑜伽教育事業的前藝人鍾麗淇（Margaret），昨日出席為癌症兒童籌款的慈善活動，同場還有名模馬詩慧長女王曼喜、名媛邢嘉倩、駱卓怡、公關周美鳳與女兒蔡欣熹等。
Margaret表示自愛女Isabella發現患上罕見基因病「四號染色體缺損綜合症」後，就開始關注患病兒童。Margaret指現時4歲大的囡囡，雖然意識自己正在生病中，但仍堅強面對一切：「以前佢只可以留喺屋企，依家喺本地學校讀書，但因為佢只識聽同講英文，語言方面可能跟唔上，所以最後決定轉去英文學校讀。（咁生活上？）可能行路同說話比較大問題，要好辛苦先講到自己想表達嘅意思，行路就要我同老公扶住先會主動去行，因為佢要靠鐵架去扶住。」
邢嘉倩 帶愛犬籌款
Margaret又指活動上一眾小朋友所穿的芭蕾舞衣，背後有着特別意義。舞衣由一間婚紗公司的舊婚紗改製而成，讓善心者購買作籌款之用。她說原本復活節想帶女兒到新加坡玩主題公園，但因機位難訂，故將留港度復活節假。同場的邢嘉倩則帶同愛犬現身，期間不時踎低與小朋友合照，可見她甚為喜歡小朋友。
王曼喜 氹細路跳舞
而王曼喜（Kayla）則首次擔任小導師，為現場小朋友的時裝表演編排了一場芭蕾舞蹈。她笑言感到頗吃力：「都有啲困難，採排咗三次。（花咗好長時間？）其實排咗一個鐘，始終佢哋仲細個，自己都識氹小朋友，同佢哋好快就相處融洽。」
文：外娛組