鄧麗欣急解畫 澄清冇饀
方力申和鄧麗欣（Stephy）拍拖多年，一直傳已秘婚，兩人多次否認其事，昨晨兩人在綿綿細雨下拍拖出席慈善跑，Stephy要求小方孭着她跑，小方竟爆出一句「一陣『一屍兩命』呀！」嚇得Stephy急急解畫！
小方和Stephy昨晨以情侶檔再度出戰「點滴是生命」主辦的「揹水一戰」的15公里慈善跑比賽，參賽者還有丁子高、杜德智、前Boy'z成員麥子豪（Dennis）及周子駒等。Stephy表示記得去年跑完後，雙腿及臀部肌肉痛了兩天下不了床，所以今年已做足心理準備。小方指因要跑山路又多斜路，還要孭着4.5公升水樽，女孩子會感到辛苦。Stephy笑着建議小方可以孭着她來跑，他竟衝口而出說：「天雨路滑，一陣仲『一屍兩命』添！」Stephy聽罷怕大家誤會她「有餡」，急忙解釋說：「係講我哋一齊啫。」反而小方說錯話仍不以為意，相當搞笑。
丁子高家 禁播舊作
至於Stephy組成一隊索女排球隊「Loey」，小方何時去觀戰認識靚女隊員？小方謂：「其實佢第一次比賽時，我都係喺球場門外等佢，都有諗過入去睇，但知道有記者所以都係唔入去。」小方笑言他們的籃球隊隊員紛紛向他表示識打排球，看來男子組對班女排球員虎視眈眈呢。
至於第3年參加的丁子高表示，太太楊千嬅要做電影宣傳而未能到場：「都有成個星期冇見過佢，就嚟連佢個樣都唔記得。」提到兒子，他指兒子見到郭富城跳舞便會跟着跳。問到可有播當年他在VRF年代的歌給兒子聽？丁子高笑言：「嗰啲唔好啦，教壞細路。」他還自爆工人姐姐曾播放他以前的MTV給兒子看，他即衝出來關掉，他笑謂：「唔想畀佢記得佢阿爸唱過首歌叫《寒冰掌》，費事佢畀同學仔笑。（可能睇完更欣賞爸爸呢？）呢方面唔好欣賞嘞。」
文：音樂組