陳靜生日搵拖拍

o靚模陳靜(DaDa)昨午盡騷4吋事業線,與台灣藝人唐禹哲出席商場活動,DaDa吸引不少龍友「高炒」拍照。適逢DaDa 26歲生日,大會安排她與唐禹哲互餵果杯「慶祝」,且擺親密甫士合照,搞得唐禹哲一臉靦覥。

談到生日願望,DaDa說:「身體健康,呢幾年身體差咗。(正日生日工作喎。)已經同班姊妹慶祝咗。(冇男友?)都想拍拖,如果班姊妹肯介紹我都OK。」活動完後,DaDa趕赴機場飛往意大利開工:「今次會同任達華合作拍戲,我飾演購物狂,咁啱歐羅大跌,我自己都會買嘢。」唐禹哲被問到擇偶條件,他說:「我挑女生性格行先,對方要開朗愛笑。」