吳雨霏出碟 老公搶住買
吳雨霏（Kary）昨日到唱片店出席新碟宣傳活動，她表示由於現時唱片市道不景氣，故公司環球唱片推出優惠卡，希望刺激唱片銷量。問到可會叫老公洪立熙買100張唱片支持？Kary笑說：「梗係要啦，佢喺網上音樂平台一早預購咗，當然買碟最實際啦，如果賣得好，最好請我去旅行啦！」
Kary透露正在忙於籌備婚禮，因時間太緊迫的關係，難以找到合適場地：「咁可能唔會搞太大啦，因為兩家人都低調少少。我自己有去試婚紗，有啲款我幾鍾意，但係點知唔啱身。」她又自爆為找「新房」而煩惱，並決定將話事權交給老公：「搵緊屋，我哋都想搬屋，最好就咩都佢搞掂晒啦，因為佢性格係咩都要理。」