谷肌鄭嘉穎呻冇艷福

藝人鄭嘉穎、楊怡和陳展鵬等昨日登上花車，巡遊宣傳無綫劇《天眼》，吸引大批粉絲圍觀及拍照。對於陳凱琳於新劇《殭》半裸騷玉背，嘉穎笑言沒有演殭屍的陳山聰般可享艷福：「我淨係殺殭屍，我都唔咬人點有艷福？可能下次到我呢！」提到遭拍檔謝安琪爆有性感演出，更引來一眾藝人入廠觀賞，他笑道：「算係電視入面嘅終極，係劇情需要，要練功都要有啲嘢睇吓，齋練功好Dry。（你身材正？）唔好咁講，燈光打得好啫！（有練肌？）瘦到有幾嚿，都有練吓。」他並謂於四月中出發荷蘭取景。