城城密斟MJ胞兄 歌舞激戰
天王郭富城昨晚出席晚宴獲頒演員獎項，適逢已故巨星米高積遜（MJ）的三哥杰明同場，兩人惺惺相惜透露將有合作計劃，又賣關子稱可能與音樂和跳舞有關！曾跟珍納積遜合作的城城直言與對方家族相當有緣！
郭富城昨晚出席亞洲電影特別大獎典禮晚宴，獲頒亞洲傑出演員大獎，同場還有已故國際巨星米高積遜（MJ）的三哥杰明（Jermaine Jackson）、韓星李洙赫、內地女星王麗珅、莊思敏、Jessica C.及Ana R.等。
賣關子私約飯局
城城表示第一次見到杰明，之前又跟珍納積遜（Janet Jackson）合作，覺得跟其家族很有緣。有傳城城將跟Jackson家族成員合作，城城說：「希望啦！有呢個諗法，但暫時唔透露得，係都係音樂上合作。」至於杰明表示有聽過城城的音樂，知道他跟妹妹珍納曾合作：「呢晚見到佢，覺得佢幾nice！會約佢食飯。」杰明透露之後兩人或有合作計劃，但未肯公布詳情：「擔保是很刺激！（音樂？）可能！（跳舞？）都可能！」他又透露Jackson家族會繼續巡迴開騷，延續MJ神話。
城城表示剛從內地拍完電影《西遊記之孫悟空三打白骨精》回港，最後一日拍足24小時，令他感頭暈，返港後會爭取時間陪伴母親，至下月又籌備新片及排練馬來西亞演唱會，忙到爆炸！
莊思敏性感喊驚
同場的莊思敏身穿紫色Deep V晚裝晒胸又露背，性感冠絕全場，她表示因時間倉促來不及試衫，差點出事：「我一着就跣落嚟，可能瘦咗，好彩夠時間去中環間舖執番。」她透露將到澳門拍電影《十月初五的月光》，之後返港跟「三大鬼后」邵音音、羅蘭及鮑起靜合作，笑言聽到這個陣容都覺得驚！
文：影視組