有「吹神」之稱的陳奕迅（Eason）與經理人甘菁菁關係友好，前晚約九時許二人一同現身大坑，他們下車後邊行邊傾四處搵食，雖然Eason已經身穿深色Tee襯牛仔褲，但仍見他肚腩凸凸。及後二人挑選了一間餐廳，Eason懶理途人目光，講到雞啄唔斷，愈吹愈開心，更不時開懷大笑。有風度的Eason搶住埋單畀錢，又做柴可夫司機，駕車載經理人回家。
