吳綺莉以為稱職：估唔到會咁
因涉嫌虐女及藏毒成新聞人物的吳綺莉（Elaine），今晚播出她主持的電台節目《越界傾情》中，大談對囡囡卓林的感受，她坦白說：「我真係未試過覺得自己係一個咁失敗嘅媽媽。」事發至今兩母女未見過面，她說：「如果見到面，我諗個情景，大家冇乜嘢講會喊囉。」吳綺莉透露曾用女兒契媽的電話whatsapp給卓林，她說：「我話阿女，媽咪冇怪過你，媽咪覺得自己做錯好多嘢，令到你咁驚我。」卓林則托人交給她一張畫了狗圖案的字條，並寫上希望她能真正開心起來，又向她道歉，鼻紅紅的她哽咽說：「佢覺得媽咪唔開心，佢想我開心，佢同我講對唔住，其實我個心係唔舒服囉。」
最想同卓林道歉
吳綺莉又爆每朝早抱卓林去廁所的秘密，她說：「由佢九歲前每朝早我都抱佢去廁所，佢十五歲前朝朝成套校服已經着咗喺身，因為佢未醒就幫佢換衫，我一路覺得自己係個好OK嘅媽媽，但我估唔到會咁囉，雖然件事令到我無端端坐喺個警察局度咁耐，或者依家惹上官非，但我覺得令到個女驚到咁，要走去搵人，佢所謂嘅救我，用另一個角度去睇，呢樣嘢令到我好窩心。」
節目中Elaine再被問到當年未婚生下卓林，她先承認是一時衝動：「當一個人想自殺或者跳樓嗰陣，當你諗完晒你就唔會做，明未？」她坦承有時做人不會考慮、量度得太多：「又唔係一時衝動，冇諗咁多嘢，嗰時細囉！」問到Elaine最想同卓林講甚麼？Elaine說：「Sorry，我唔係一個稱職嘅媽咪。」
文：音樂組