陸永嫌棄荷蘭紅燈區

藝人黃又南、陸永、陳嘉寶及賴慰玲等於前日在上環拍攝無綫劇集《殭》。期間以殭屍裝現身的又南及陸永更玩起「疊羅漢」，表現賣力！趴地演戲的陸永笑稱舒服，又指平日拍攝要打足十二個小時！而又南自爆於劇中要打到「倒吊」飛天，更拍到「成身散晒」。
趴地演戲的陸永，與又南玩「疊羅漢」。
趴地演戲的陸永，與又南玩「疊羅漢」。

談到他們將於四月中旬到荷蘭拍外景？陸永即搞笑嫌棄當地紅燈區冇「筍盤」而拒絕到訪：「畀去都唔去！（驚被老婆扭耳仔？）唔係，聽講（質素）麻麻哋！」而陳嘉寶及賴慰玲則分別化身道士及神婆，嘉寶更自爆自幼是位細膽殭屍迷：「睇完會驚到揸住糯米瞓覺。」

黃又南（右）與陸永扮殭屍，作狀撩打。
  • 黃又南（右）與陸永扮殭屍，作狀撩打。