歌手張敬軒昨日出席卡通人物活動，他自爆最近跟媽媽談到生仔的話題，透露思想開明的媽媽提議他借肚生仔：「阿媽話我呢幾年畀心機做嘢先，借咩都好，借肚又好，希望生個孫畀佢，我問生個中國人mix黑人得唔得？阿媽就話唔好搞咁多古靈精怪o野啦，快o的做幾年嘢跟住生個孫畀我。」
軒仔力撐媽媽要仔唔要乸的想法：「因為佢比較開明，同埋我幾代婆媳關係都麻麻，佢都想避開呢樣先話剩係想要個孫啫。」
