溫家偉抱吳若希愛不釋手

無綫熱播劇《衝線》中之主角感情線假戲真做，其中Sisley、Jinny劇中爭羅仲謙，不過，現實中卻上演兩女爭溫家偉（大隻仔），昨日緋聞大兜亂的四人現身宣傳活動，爭風呷醋之場面跟劇中情節同樣精彩！眾演員玩遊戲時，興起將唱完歌的Jinny當人球一樣拋來拋去，大隻仔即Man爆充當護花使者，抱起Jinny捨不得放手，更叫另一緋聞女友Sisley縮手，還高呼：「我要帶佢返屋企！」擺明對Jinny嗒晒糖，難怪謙仔也對大隻仔開玩笑說：「佢遲早係你女友！」可憐Sisley唯有酸溜溜地走開，醋意大發。

公開蜜照叫「BB」

其實大隻仔對Jinny的「愛意」早有跡可尋，連日來在微博不停上傳女方相片，愛到出晒面，更直稱Jinny做「BB」！前日他上傳劇照，照片僅欠Jinny一人，大隻仔即為「BB」發揮高超P圖技術，把她完美P在照片中，為Fans預告昨日之宣傳活動。他又上傳輕撫Jinny面珠的親密劇照，更留言：「藍藍BB don't cry, you have me！」更在白色情人節當日大晒與「BB」面貼面Sweet爆合照，直指兩人是「Truelove」，可見他明冧Jinny，加上活動上又冧爆女方當Sisley冇到，這個爭仔回合明顯Sisley大敗。

溫家偉在網上不時大晒與Jinny的「蜜照」，心意呼之欲出！	Jinny唱歌時獲同劇演員扮粉絲爭握手，場面搞笑。	羅仲謙（右）向女友楊怡大派定心丸。

唔否定發展可能

問到大隻仔是否想追Jinny時，回應很有保留，與之前他稱與Sisley的發展可能只係「姊妹」很大分別：「我哋好傾得埋！（考慮發展？）唔知o架！話唔埋o架！（同Sisley呢？）我哋係姊妹，一定唔會一齊！其他人就唔知喇！」問到為何叫對方「BB」時，他爆響口直認：「我平時都咁叫佢，唔係博宣傳呀！」

另外，謙謙對與Sisley的緋聞淡定回應，並指女友楊怡高智慧不會相信：「以佢智慧同經驗，報道影響唔到佢，呢啲新聞見怪不怪，總之我哋一切無變。」Sisley受訪時亦稱與謙謙沒私下約會。

文：影視組