秋官讚朝天腿犀利欣宜開心
鄭欣宜最新MV成網上熱話，身為父親的鄭少秋亦感自豪。前晚秋官與汪明荃、賈思樂、露雲娜錄影《Sunday靚聲王》，大讚欣宜：「好犀利，仲騷嗰吓朝天腿。佢話瘦夠，最緊要佢開心同身體健康。」談到他向後輩鄧紫棋「點唱」《笑看風雲》，秋官說：「聽咗，佢唱歌好好。（有指佢成名後態度差。）佢細路女，可能唔識社交，待人處世唔夠圓滑。」
此外，鄭欣宜昨在另一活動上知道父親讚她的朝天腿厲害，即高興地說：「都叫咗佢唔好o係公開場合讚我！」而同場有黃美棋及曾患狂躁症的洪朝豐，洪朝豐表示現有定期覆診，雖然一輩子都要食藥，但自己不介意，又透露現時有開班教打坐和聲樂，認為打坐可以讓大家學會自救。
