莊思敏性感闊太索贏小三

藝人莊思敏、陳嘉桓、吳嘉龍等昨日為電台拍攝劇集，莊思敏穿三點式，谷胸上陣兼露出白滑長腿，非常吸睛！她更躺在沙灘椅上，擺出誘人甫士，任影唔嬲。而嘉桓就以一襲鮮紅色空姐制服及黑色絲襪登場，大玩制服誘惑！受訪時，莊思敏透露今次是首次穿三點式拍劇，劇中飾演闊太，除了不停鬧人，還會跟演小三的陳嘉桓在水中大打出手，上演一場大婆惡鬥小三。問到是否與現實相符？思敏表示：「我唔鬧人o架！」當記者問到穿泳衣拍劇可有提高身價，她笑言：「冇呀，你提醒咗我添，都係正常價，冇收貴，都係泳衣啫，去游水都着泳衣o架啦，今次件泳衣都係自己嘅，始終衞生啲。」她又表示平時不會曬太陽，所以拍攝後要立即用大量美白產品急救。

學潛水好好玩

而「小三」陳嘉桓知道要拍落水戲亦打定底，但現場只準備了多一套制服，所以只能一take過。談到與「大婆」莊思敏在水中搏鬥，問到不熟水性的陳嘉桓可會擔心？她笑言：「嗰度水深1米5，仲有20cm距離，我長腿唔怕。」之後她亦又爆雖然不懂游泳，但去年卻因為想挑戰自己而學潛水，她透過經理人說：「先去泳池試吓我識唔識游水，會唔會喺水底驚，點知我唔驚又覺得好好玩，所以就決定去學。喺水底感覺好寧靜，覺得自己好似美人魚咁喺水底游，但就一直學唔識游水。」

李悅彤返正道

另外，同場的李悅彤就表示如果製作單位叫自己演小三角色都冇所謂，問到可會怕觀眾將自己定型？她說：「如果係定型嘅，做咩都會畀人定型，慢慢做番啱件事囉，曾經係做錯咗嘅，行返正道。」又透露有電影製作單位接洽。

文：音樂組