張振朗黃子恆李豪勢上位
無綫高層曾勵珍及區偉林前晚率領劇集《四個女仔三個BAR》演員黃智賢、張繼聰、陳凱琳、劉佩玥及陳瀅等出席祝捷會，慶祝劇集最高收視達32點，珍姐繼讚陳凱琳、劉佩玥及蔡思貝後，再點名讚男藝員張振朗、黃子恆及李豪有潛質。
當中張振朗曾在《Sunday扮嘢王》扮「Cool魔」；黃子恆演出《四個女仔三個BAR》；李豪則演出處境劇《愛‧回家》，對於珍姐讚賞，張振朗昨直言感到意外：「我會做好自己同嚟緊嘅工作，去報答同話佢聽冇睇錯。」對於無綫有意培育接班人，張振朗表示希望拍青春劇：「可以好似《衝上雲霄》咁，幾個後生仔一齊玩，可能撞出新火花。」
李豪亦稱很開心，也未因此有壓力：「我反而覺得有動力，讓我更加唔想令人失望。（期待力捧做小生？）有機會就最好啦。（怕同期眼紅？）唔會，大家都開心，會互相恭喜。」劉佩玥則表示要攬攬珍姐道謝，亦多謝佘詩曼及鍾嘉欣讚賞。
另外，珍姐對於外購劇《武則天》女演員將經加工變密實，她認為效果可接受：「係片主做，依家係入屋家庭版，可以畀小朋友學歷史。」