李逸朗孖鄭敬基唱哥哥 自認冇得比

歌手鄭敬基（Joe）及李逸朗（Don）下月一日舉行紀念張國榮（哥哥）演唱會，早年有幸與哥哥合作的Joe大讚對方友善：「哥哥喺幕後時都有佢搞笑嗰啲嘢，好有教養，有時講完會坐喺度諗吓嘢，臨出場就會問：『我得唔得呀？』」問到可會怕翻唱哥哥作品時被原唱比下去，Don稱：「我諗我點樣唱都唔會好似佢咁好，完全冇得比較o架啦！」Joe亦指：「盡力做咗之後一定開心嘅。」二人希望以舞台劇方式表演，令到整個騷無間斷，更推出合唱歌《風繼續追》向哥哥致敬。

笑網民傻

早前Don用哭腔翻唱《傻女》爆紅，惹來網友指唱得如此激昂悲慘是因為其昔日拍檔蔣雅文（Mandy）結婚，Don笑言：「嗰啲就真係傻女啦！Mandy係我以前一個好好嘅拍檔，Mandy好少同人溝通o架，能夠遇到佢值得交託嘅人我都好開心。」自言仍在尋覓感情的Don更自爆已有四、五年冇拍拖：「計埋有啦，我都覺得好不可思議！」

而與DJ瑪姬傳出忘年戀緋聞的Joe，就撇清緋聞說：「我哋都係好好朋友，真係唔係拍拖嚟嘅！」並揚言醉心工作，將所有感情都灌輸入下月的演唱會。

Don開騷翻唱哥哥作品，自問冇得比較。	有指Don的哭腔唱得如此激昂是因為Mandy結婚，但Don否認。	Joe堅稱與瑪姬好好朋友，並非拖友。

攝：劉斌

場地：宮崎日式燒肉

文：專案組