邵珮詩30歲生B 自爆冇仔埋身
應屆香港小姐冠軍邵珮詩、亞軍王卓淇和季軍何艷娟，聯同藝人彭慧中、湯洛雯等人，昨日出席《2015年香港花卉展覽「春．花．舞」攝影比賽》活動。
邵珮詩悉心打扮以電影《魔盜王》造型亮相，她笑言自己相當型格，有點像荷里活男星尊尼特普（Johnny Depp），又指自己喜歡他的電影拍檔姬娜萊莉（Keira Knightley），問到邵珮詩會否效法姬娜萊莉在演藝事業上如日方中時懷孕？她說：「對方在荷里活相當出名，我自己事業剛剛起步。至於生小朋友，我諗都要三十歲左右。（拍拖中？）冇呀，未感到有人追，平時都係同一班女仔出街。（恨拍拖？）自己唔心急，都係順其自然啦！」
何艷娟鮮有狂野
同場的王卓淇以一身懷舊公主造型現身，她指第一份工便是參加香港小姐，遺憾讀書時未有做過兼職模特兒，故擔心拍照時擺甫士表現生硬。
至於一身野性打扮到場的何艷娟，自言一直很想作這類型打扮，笑言可以滿足平時不會做的野性一面。問到平時是否很野性？她說：「我覺得係比較外向啫！（主動識男仔？）真係未試過，其實自己好怕醜o架！」問到遇到心儀男士會否採取主動？她笑言屆時會再考慮。
文：影視組