羅霖醒目老闆唔會做蠢事
前亞姐羅霖向來注重健康，且保養得宜，去年她入股醫務中心，主力宣揚嬰兒臍帶血庫，卻被指跟其另外代言的醫學美容有牴觸。羅霖表示入行多年深知行規，不會做愚蠢的事，她笑指曾被相士批易招惹是非，惟有寄望新一年能遠離小人！
羅霖去年七月入股醫務中心，跟好友伍詠薇及肥媽一同成為股東，而羅霖主要負責宣揚BB臍帶血庫及有關的醫療部門，她說：「我自己一向關注健康，嗰陣我啲小朋友出世時，我都有幫佢哋儲臍帶血，我一直都支持呢樣嘢，同埋我屋企有老有嫩，我哋公司有埋普通門診，自己小朋友有乜傷風感冒都嚟睇番，始終每個人都實會有病痛，我入咗股，認識多咗最新嘅醫學消息，我覺得好開心！」現時羅霖還有經營酒業，她說要兼顧兩門生意，事事親力親為，又要照顧小朋友，生活十分充實。
被批命犯小人
此外，羅霖因同時擔任另一醫學美容中心的代言，被指吃兩家茶禮，她表示自己入行以來，做過不少代言人，不會做這麼愚蠢的事：「我喺呢度嘅身份係老闆，唔係代言人，所以係冇牴觸，加上我哋診所開幕，我本身代言嘅老闆娘都有嚟捧場，所以唔知點解有咁嘅講法。」她續說未信教前，曾去看相士，被批命中多小人：「師傅話我個人好易惹是非，亦會有好多小人喺身邊，不過冇得避。我一路做人都鍾意和和氣氣，今年一開始就有是非，希望係先苦後甜啦！」
服裝：MOISELLE