松岡4年總結 讚港男夠Man
日模松岡李那雖與林德信緋聞傳不斷，不過她揚言未搵到Mr. Right，稱工作更重要。來港四年的她認為日男較高但港男較man，對於早前合作拍戲的周星馳，她大讚對方有才華，得到這個演出機會大感榮幸。
日籍索模松岡李那日前大搞29歲生日會，被拍得與緋聞男友林德信（Alex）前後腳現身，不過問到Alex是否她的Mr. Right時，她即撒嬌說：「我仲未搵到Mr. Right呀！今年啱啱先開始，我想畀心機做嘢，學多啲嘢，多過搵男人呀！」來港發展四年的她，認為日本男人普遍較港男高，不過大讚港男man爆：「我覺得香港男仔唔係好高，普遍都係170cm左右，日本男仔就高啲，不過我覺得香港男仔man啲，會take care女仔！」
掛念日本家人
遠來香港發展，松岡十分掛念身在日本的家人：「我好掛住佢哋呀！新年返咗日本一個星期，我屋企人同朋友都好sweet，嗰度啲嘢全部都好好食！新一年希望繼續喺香港同內地有好嘅發展。」
發展不俗的松岡，有份參演周星馳新片《美人魚》，她大讚一代喜劇之王：「星爺係一個好有才華嘅藝術家，同埋我覺得佢係一個充滿好奇心嘅人！其實真係好surprised可以同佢拍戲。」對於有份參與大製作感興奮的她，希望星爺及觀眾滿意其表現。
攝：劉斌
場地：愉景新城
文：專案組