千嬅喪喊唔收貨 跪玻璃求重拍

楊千嬅早前為演出電影《五個小孩的校長》變身喊包！拍戲期間，每日面對五個天真爛漫的小演員，原本已母愛氾濫的她又變成媽咪，加上幾位資優小演員的純真表現，令這位「校長」頓變喊包，不時喊到眼腫要停機回氣！尤其一場畢業Ending戲，教千嬅最為難忘，她謂：「ending拍咗4日，拍嗰時已經喊到眼腫，拍到最後先知我有幾個shot未take大頭，但已經冇晒貨，仲要係last一日景，返到屋企我好唔甘心，即刻打電話畀劇組話過唔到自己個關，因為唔係佢哋最想要嘅嘢，我話想返去拍，今次一定會做到，若果要跪玻璃我逐個跪，點知第二日真係成隊crew返去拍，大家好認真完成咗！」