惠英紅白髮凸腩 犧牲色相
影后惠英紅（紅姐）昨日與錢小豪、陳家樂、麥家琪、郭穎兒（Celia K.）等出席英皇電影《幸運是我》開鏡，頭染白髮兼凸腩的紅姐化上「老人妝」，扮演六十歲患認知障礙症的孤獨老人，可謂相當大犧牲！
老闆都認唔出
紅姐笑言老闆楊受成及途人均認不出自己，並謂：「做演員唔使一定要靚樣，有靚妝反而有壓力，依家完全唔化妝加皺紋、眼圈，可以唔使咁辛苦驚個樣拍唔靚，豁出去。（諗住攞獎？）唔諗咁多，佢哋決定啦，拍咗少少自己都滿意。」小豪則賣口乖說：「好開心又同偶像『大紅姐』合作，佢演技神乎其技，每套戲形態都唔同，好難做，佢咁好身形搞到冇身形。」他更大讚對方乃「神級」，無須擔心太大壓力。
家樂做「MK仔」
染了一頭金髮、頸部化了大胎記的家樂，指導演羅耀輝希望他以爛撻撻「MK仔」形象演出，戲中更要食煙、講粗口：「好唔慣，自己未試過染到咁金，出街都畀人查身份證，有啲尷尬，但都好，證明令人覺得我係蠱惑仔。」他坦言跟紅姐合作有壓力：「同咁有分量、影后級嘅演員合作，好擔心自己唔夠好影響咗發揮，好在紅姐好錫我、好幫我，有咩事都會提點我。」
文：影視組