楊千嬅拍一級片整喊父母
楊千嬅昨日出席新片《五個小孩的校長》宣傳，並與戲裏五位小演員玩遊戲，期間千嬅與眾人鬥快打呔，見她手勢相當純熟，事後被問到是否經常為老公效勞，千嬅笑指閒時也會幫老公，但對方似乎不領情。
忙於為該片宣傳的她，透露日前與父母及囝囝觀賞優先場，曾任教師的父親更睇到哭，她謂：「第一次見Daddy睇到喊，可能諗番以前教書啲嘢，媽咪仲喊到眼腫。（呼籲觀眾入場帶定紙巾？）冇諗過，套戲得一級，唔係災難片。」
談到拍檔古天樂有意收戲中五位小演員做契女，問到千嬅又會否想收契女？她笑謂：「我都鍾意小朋友，不過除咗契，佢係咪快啲生好啲，（會唔會追多個？）順其自然，多一個又OK！」