吳綺莉收卓林道歉信：佢話想媽咪開心
被指「虐兒」的吳綺莉（Elaine）昨早離家出門即被大批記者追訪，嚴重缺乏休息的她精神狀態疲憊，太陽眼鏡也遮掩不了一雙熊貓眼，更被發現連續兩天沒有更衣。當問到卓林去向，她答：「應該喺醫院啩。（幾時先可以返屋企？）我都唔清楚。（警方有冇聯絡妳？）唔清楚呀，要聯絡番嗰邊。」
據悉，預計今日可以出院的卓林至今仍避接Elaine電話，令未能與女兒「直接對話」的Elaine擔憂非常，不過Elaine已為女兒將日用品送往居於渣甸山好友（卓林契媽）家中，待卓林出院可暫時寄居該處。
「佢全家都係做戲」
事發後已有五天未有見女兒的Elaine昨接受有線電話訪問，透露卓林寫了一封短信託人交給她：「佢同我say sorry囉，話想媽咪開心，好明白佢加加埋埋承受咗唔少壓力。」談到報道有指她說了一些難聽說話令女兒難受，Elaine回應：「當時係佢做錯咗啲事，我放工又好攰……平時我唔會咁同佢講嘢，亦唔會打佢塊面，因為唔尊重。」對於卓林朋友少，且經常在母親面前裝樂觀，Elaine苦笑謂：「咁佢全家都係做戲嘛。」
Elaine被問到是否對女兒有歉疚，她答：「我有做錯嘢，我同佢講『無論發生咩事，即使媽咪唔喺度，都唔使擔心，所有嘢幫佢安排好晒。』可能咁樣嚇親佢，令佢冇安全感。」她又指事件並未如傳媒報道般嚴重，亦未有打算停工。事實上，工作量一般的Elaine衣着樸素，人前人後都嚷着要「慳家」，她目前的有線節目主持工作約有數千元一集酬勞，至於一周主持一次電台節目，酬金亦只有二千元一次。