李逸朗主角夢碎
藝人李逸朗和特首女兒梁齊昕主演的電影《男極探射燈》，未開拍已一波三折。繼梁齊昕缺席首次記者會後未落實演出，導演劉俊輝再開記招炮轟她，電影無限期擱置只換來一大堆是是非非。昨日再有消息傳出男主角李逸朗因檔期問題需要辭演《男》片，記者聯絡上李逸朗經理人Kitty媽，她表示：「係辭演咗，因為檔期夾唔到，李逸朗之後有其他工作。（擔心要賠錢？）應該唔會，解決咗。因為之前有預檔期畀電影公司拍戲。」
冇損失仲有機會
問到冇機會與梁齊昕合作會否感可惜，她說：「當日簽合約都唔知係同佢合作，知道後都係一個驚喜，唔覺損失。」李逸朗在圈中十二年，首次擔當男主角，再次錯失機會會否感到出師不利？她說：「唔會咁諗，佢仲喺圈中發展仲有機會。」其實李逸朗回流香港後成為圈中搶手貨，四月開個唱後便緊接拍攝劇集。
梁齊昕抒發情懷
記者致電《男》片導演劉俊輝，身在內地的他表示未收到李逸朗辭演的消息，他說：「等我過兩日返香港再了解。（擱置開拍？）會繼續開拍，若佢辭演咪易角囉。（追討？）唔會，因為係我哋遲咗開拍。」他又指梁齊昕未落實演出令電影公司損失很大，一切已交律師處理。記者聯絡梁齊昕但未獲回覆，但其社交網站則上載不少英語字句，大致指「一顆野性的心被困在籠中」來抒發感情。
文：影視組