敢言寸亞視 筱靖獲欽點袋錢寫網評
貴為有錢女的前亞姐筱靖「降呢」兼倒貼到亞視做七千蚊的廉價勞工，因敢言遭雪藏，她索性提早解約「唔撈」，其敢言作風獲網絡製作公司垂青，以5位數字酬勞邀寫網誌，隨時殺出血路。
前亞姐筱靖有「酵母之父」爺爺陳培「照住」成掌上明珠，家族生意在內地發展不少餅店等烘焙食品，一年生意額勁賺逾億元，貴為「有錢女」的她於2007年來港旅遊時獲表姐提名參選亞姐，隨後簽約成為亞視藝人。筱靖昨日在《好報》專訪中提及不惜放棄每月逾十萬的豪爆生活，「降呢」倒貼到亞視做七千蚊的廉價勞工，年前卻因敢言而遭雪藏，最後索性提早解約「唔撈」。
同事撐發聲
筱靖的敢言作風獲一間網絡製作公司垂青，邀寫網誌力銷商品用後感，她笑言隨時殺出一條血路：「我講咗喺亞視啲辛酸史，舒咗一啖氣，不知幾多同事支持我，話我講出佢哋心聲！（有新工作？）有間網絡製作公司搵我，以5位數字酬勞邀請我寫網誌，力銷商品用後感，好似我訪問中着嘅內衣有幾靚，着出線條咁啦！亞視之後係一個新開始。」
家族生意最近簽得大型咖啡品牌代之全中國代理，筱靖笑言希望與該品牌香港區代言人陳豪孖住做咖啡代言人：「我知名度未夠班，希望幫屋企生意開拓公關工作，做好啲成績再拍陳豪！」對於合作，陳豪昨表示：「我嘅香港區代言合約其實約滿，佢搵我一齊拍，無任歡迎！」
文：影視組
攝：吳文聰
場地：Freepho
內衣：Charmante
化妝：Sharon Lam
髮型：Derek Choy