何傲兒醜爆脫負評

桃花暢旺的何傲兒（Lily）不乏裙下之臣，傳出與林建名的「爺孫戀」，又被指「死口唔認」翻撻周子揚發展地下情。面對緋聞帶來的負評，Lily於無綫新劇《波士早晨》中搏到盡，繼馬蹄露在熱播劇《天眼》中的平蔭造型掀起熱話後，Lily更變身成為「平蔭爆牙妹VERSION 2.0」，務求洗底兼於年尾電視頒獎禮中爭取提名！

咬字黐脷筋

Lily與陳慧珊、黃智賢及洪永城等昨日於電視城為新劇試造型，當中Lily的醜角扮相一度令現場人士無法辨認！Lily自爆為角色戴上特製牙套及化妝成黑皮膚：「行過冇人認得我，又唔理我。（化幾耐妝？）反而試妝試好耐，用咗牙套咬字要出力啲，否則會黐脷筋！」

何傲兒自言戴上牙套後，連口都合唔埋。	相信大家也掛住何傲兒的索爆靚樣！	湯盈盈當年扮醜女李笑好，成功突圍入屋。

參考「李笑好」

Lily又笑言樂意扮醜：「平時大家見到靚嘅一面，但唔知我可以有幾醜！」問她是否打算以醜角上位？Lily直言重溫當年湯盈盈於劇集《阿旺新傳》的角色「李笑好」作參考：「我仲不停試自拍，因為依家（戴牙套）合唔埋個口！」

文：影視組