劉美娟爆吳綺莉有「怪誕行為」

吳綺莉涉藏毒及虐女震驚娛圈，一眾圈中藝人大都認為事件純屬誤會，唯獨曾與吳綺莉傳不和的劉美娟另有看法。兩人曾於電台合作，有指當時劉美娟不滿吳綺莉有「怪誕行為」而影響做節目，更傳電台想辭退吳綺莉。劉美娟接受電話訪問未有正面回應是否不和：「唔知點解會有呢個傳聞，但我做咗娛樂圈咁多年，屬於一個專業嘅藝人，好畀心機去做好自己嘅事業，亦都鍾意同專業嘅藝人合作！如果你面對一個唔太專業，又唔太尊重自己工作嘅人合作，但佢又以為自己好專業嘅，真係好難合作，呢個係我個人睇法！」她認為若真有其事，身為公眾人物應向大眾交代。至於有指吳綺莉有「怪誕行為」，她直言：「有！但唔想多講，因為唔想講大話。（傳電台想叫佢走。）有聽過話要請佢離開，但唔知點解。」