羅孝勇拍片學剪接

去年正式進軍樂壇的羅孝勇早前受訪時，笑言第一次出碟感覺滿足：「出咗碟覺得好和味，希望同多啲人合作。第一隻由自己寫晒，希望下隻唱人哋啲歌。」身為「竹升仔」的他，透露新一年會有新計劃，想嘗試唱國語歌：「其實我都鍾意做戲，但唔知有冇機會。我依家有試吓自己拍片，研究咩角度先拍得最靚，又學吓剪接。」講到其研究方向較似導演，羅孝勇笑言：「開頭入行想唱歌，但經過五年睇完人哋嘅拍嘢方法，都會自己返屋企試吓。我平時拍完仲會問導演朋友嘅意見。」