溫超冧啜Ella 當舊愛透明

因扮周星馳（星爺）成名的溫超，早前被本報拍得與「嫩版高海寧」向殷啜爆街頭，不過問到二人是否發展中時，他竟說：「好多嘢唔到我哋控制，都要講緣分。情人節好孤獨咁過囉，唔好提啦！」問到是否介意對方性感演出？他無奈表示：「佢鍾意咪得囉！」

唔敢高攀DaDa

桃花多多的溫超最近於賀歲片《吉星高照2015》中，再與曾傳緋聞的陳靜（DaDa）合作，他笑言：「我同佢嘅緋聞好似好多年前o架喎！唔敢啦，佢依家咁紅。（即係之前有？）之前都無，朋友啫。」問到兩女之中選誰時，他笑稱：「呢啲嘢交畀月老揀，感情嘅嘢好雙方嘅，唔係話你想有就有。」來自廣州的他，不諱言會為將來的女友搬家，大讚港女較內地女性漂亮，不過個性較強勢。

溫超早前被拍得與向殷街頭激咀，但卻否認蜜運中。

向殷

志偉哥准爆肚

除與緋聞舊愛Dada合作外，溫超更與台灣組合S.H.E.成員陳嘉樺（Ella）於新戲演情侶，他大讚對方專業，更笑言與Ella的接吻戲令他超尷尬：「其實係蜻蜓點水，無伸脷嘅，不過我都好尷尬。」他又大讚曾志偉：「志偉哥唔會要求所有演員跟晒編劇講嘅嘢，佢話想睇吓每個演員可以行幾遠。」今次於戲中扮演一個具有星爺聲線的年輕人，不過溫超深明似星爺並不足夠，於電影路上要學習的地方還有很多。

溫超與緋聞舊愛DaDa合作新片。

於新戲與Ella有接吻場面的溫超，大讚對方專業。

服裝：Fat boy slim

文、攝：專案組