關楚耀爆肌冧女 反轉再反轉
爆肌男神之一的關楚耀練出雞扒胸、麒麟臂及「朱古力」後，進一步向高難度挑「肌」，他最近由陸地玩到空中，化身成「爆肌蜘蛛俠」苦練空中瑜伽後，當堂異性緣急升，成功引女埋身！
近年空中瑜伽熱潮席捲全港，不論男女都齊齊倒吊「屈肌」操弗，剛加入肌男行列的關楚耀（Kelvin）最近也迷上這種至潮運動，在Figure Balance健身室老闆兼教練Mavis的推介後，開始展開「空中飛人」的生活。他說：「試玩咗空中瑜伽幾個月，發現做完健身後啲肌肉好繃緊，而空中瑜伽就可以中和晒成件事，因為可畀啲肌肉放鬆同練到深層肌肉，呢兩個組合係最好。」
腦充血唔好受
回想當初接觸空中瑜伽時，Kelvin被倒吊在半空腦充血，感覺並好不難受：「個腦充晒血，第一次玩真係好頭暈，好多朋友玩完一次就即刻話唔再嚟。但過兩日後都會主動打番畀我，問我幾時再玩，只要過咗第一堂嘅心理障礙，好快就會上癮。」
當以為空中瑜伽最難之處是甚麼360度反轉再反轉？非也。Kelvin直言最大的心理關口是要信任那匹支撐住自己的絹布：「一定要好信任塊布，要信佢係一定捉得實你，所以最難真係克服自己驚嗰種心理，動作其實可以練，呢個心理關口去到第三堂我先開始信任佢。」
自拍照熱爆網
自從Kelvin練習空中瑜伽後，肌肉比以前更加結實，自認是自戀一族的他在倒吊時亦不忘自拍晒肌，他自爆將瑜伽動作上載到社交網絡後，引來不少「同道飛人」埋身：「真係多咗好多朋友問我，特別係女仔問我想嚟Join我玩。（多咗異性埋身？）可以咁講，但暫時都未搵到女朋友，呢幾年係工作上衝刺，其實有時都有啲攰，都想身邊有個伴侶分享心事。」
文：音樂組
場地：Figure Balance
服裝：Le co sportif