高鈞賢埃及探險搞喊媽咪

轉戰內地的高鈞賢（Matthew）日前與媽媽出發到埃及，為有線拍攝節目《帶阿媽去旅行》。Matthew透露此行與媽媽走訪戰火連年的中東地區，甚至要深入貧民區，一度遭到爸爸極力反對：「佢話我哋呢啲危險地方都敢去，好彩阿媽係行動派，一聽到就應承！」他自爆一抵達當地立即「碰壁」，更被誤當「炸彈狂徒」：「我哋差啲過唔到關，隨行收音師被關員誤當危險人物，因為佢個收音箱插滿電線，仲有計時器，似足炸彈！」

高鈞賢與媽媽深入埃及貧民區，體驗當地人的困苦。	高父一度反對兩人出走埃及。	得到媽媽一直支持，高鈞賢心存感激。

貧民區送禮

飽經波折終於踩入烽火大地的Matthew又「膽粗粗」與媽媽深入貧民區：「亞洲人喺當地成日畀人眼望望，啲人感覺唔太友善。行市集又會見到佗槍警察周圍走，所以我哋做足準備先敢行入貧民區。」其後以甜品向貧民送禮的Matthew自爆大受歡迎：「我哋入鄉隨俗，帶晒蛋糕同甜品做禮，佢哋就送番傳統服裝畀我哋。」

感觸流眼淚

談到此行的「難搞」任務，Matthew即大爆是奉旨整喊媽媽：「劇組本來建議我自彈自唱去為阿媽帶來驚喜，但我選擇用自己方式去打動佢。我入行咁耐第一次帶阿媽開工，好感觸！一講起阿媽點樣支持我，我哋兩個就已經變晒喊包！」

文：影視組