吳國敬開騷Big Four撐行
下月開騷的吳國敬日前接受《東網》《娛樂onShow》的訪問，向主持陳振安大爆獲星級嘉賓助陣，除陳慧琳及黎瑞恩等外，連曾傳不和的Big Four亦出面力撐，不過阿敬指不和傳聞純屬炒作，又大爆蘇永康唱《越吻越傷心》其實是「執三攤」！
四月再踏紅館的歌手吳國敬日前接受《東網》《娛樂onShow》主持陳振安訪問，大談演唱會陣容及昔日秘史！演唱會邀得Big Four、陳慧琳、黎瑞恩、蘇永康及雷頌德等助陣，阿敬感恩說：「蘇永康本來要去杜拜旅行嘅，另外張衞健，我一話要開呢個騷，佢即刻話：『我幫你度嘢啦！你講嘢都唔掂o架啦！』」提到與Big Four的不和傳聞，阿敬斷然否認：「其實係當年有雜誌訪問我，就話諗啲嘢講。其實冇呢啲嘢嘅，Big Four組成嘅時候我係製作人嚟嘅！」
蘇永康捱義氣 硬食《越吻越傷心》
他又大爆由蘇永康唱紅的《越吻越傷心》其實是「執三攤」：「首歌我本來畀咗李蕙敏同梅艷芳嘅公司，但係無反應。」於是在圈中好友聚會中播放：「全場鴉雀無聲，係得阿康出聲。就係咁啃咗隻全球華人金曲出嚟啦！」
花名「和音敬」的阿敬於節目中細數識於微時的雷頌德曾仗義幫助他，又大爆說服黎瑞恩撐場的經過。想知道更多訪問內容，記得鎖定《娛樂onShow》！
文：專案組
攝：劉智源
化妝、髮型：李倩雯