李冰冰被吊傷 行妖艷豁出去
李冰冰與陳坤於新片中，鬥戲連場，兩人之表現深得導演鮑德熹讚賞，鮑德熹大讚冰冰拍戲「交足貨」，而陳坤則演繹出不一樣的鍾馗。亦因冰冰十分落力，危險戲亦不用替身上陣，而在拍一場半天吊戲份時，冰冰真身上陣並一度受傷，但她並冇陰影，康復後即補回該戲份，相當專業！
由奧斯卡最佳攝影鮑德熹執導的電影《鍾馗伏魔：雪妖魔靈》今次打破鍾馗醜陋的傳說形象，找來「帥呆」陳坤飾演，鮑德熹在接受訪問時直言：「凸眼大頭，肥腫難分，咁就同拍功夫熊貓冇分別。」稱在第一眼見到全副造型的陳坤時就認定他是新一代殺氣濃厚的鍾馗，更為切合二十一世紀的中國式英雄形象。
與陳坤鴛鴦浴
而女主角李冰冰今次在《鍾》片亦罕有地在鏡頭前展露性感，演釋魅艷千年雪妖，其中一場戲份更與陳坤鴛鴦共浴，相當吸睛，鮑德熹大爆冰冰在鏡頭後的演出更為大膽，但卻「賣關子」拒絕透露。他又大讚對方是好演員指：「呢一點我係好欣賞佢，佢拍戲攞晒全部嘢出嚟（指演技），當然我哋拍嘅時候亦會發揮冰冰嘅長處，將佢最靚一面呈現畀觀眾。」
惟冰冰曾因一場被魔王的頭髮箍頸半天吊的戲份令頸部受傷未能完成，但冰冰並無對該場戲留下陰影，一康復即將餘下部分補拍，十分專業！
拒絕用假3D
鮑德熹透露除今次《鍾》片除了兩位主角的突破性演出之外，另一最大賣點是其最新的3D電影拍攝科技，保證不會讓入場觀眾看得頭暈眼花，稱絕不偷工減料採用假3D：「唔係將3D變咗做一個噱頭去搵錢，令個票價賣貴啲。」
文：影視組