郭穎兒多仔追 「糕」級玩意釣金龜
陳靜師妹郭穎兒（Celia K.）自言是貼心女友，鍾意為男友炮製驚喜，曾在情人節送上親手整的朱古力。現時單身的Celia大爆身邊不乏「好朋友」，更不排除趁明天的白色情人節送蛋糕表心意！
情人節望着街上一雙一對的情侶，單身近一年的郭穎兒卻不愁寂寞，她大爆現時身邊有幾個比較要好的男性友人。問到發展可能性，Celia表示要深入了解過才知：「我鍾意嘅男仔係真誠、孝順、專一同善良，呢啲特質要了解過先知。」
賀白色情人節
Celia特意趁明天3月14日的白色情人節前整了四個可愛的Cupcake，她甜笑表示要送給那個「他」：「不嬲都有整蛋糕送畀人，呢次整嘅蛋糕就要睇白色情人節當日有邊個約我，我就會用呢啲蛋糕回饋佢。」
由於白色情人節是男士回禮的日子，Celia亦分享了過往一個特別的情人節經歷：「嗰年個男仔整咗隻光碟畀我，入面圖文並茂咁播出我哋生活嘅點滴，就連第一次滑雪嘅短片都有，真係好sweet！」
個性熱情浪漫
Celia形容自己是典型人馬座，個性熱情又浪漫，因此會在情人節花盡心思冧另一半：「試過整酒心朱古力畀當時嘅男友，嗰年我哋留喺屋企一齊過，我就收埋咗份禮物，然後用尋寶遊戲形式要男友搵份禮物。」
攝：司徒國榮
場地：Twinkle Baker Decor
文：專案組