方力申孖Stephy考牌做健身情侶
方力申、鄭丹瑞及奧運金牌得主李麗珊，昨日出席「2015年賽馬會青少年足球領袖計劃」記者會，「飛魚」小方笑言屆時將「換褲秘技」傳授給參加者，因他可當眾包住毛巾換泳褲而不會走光。
問到他日可會效法李克勤到球場影婚照？小方說：「好多地方要影喎，泳池又要影，係咪要放晒啲水影？不過都要睇吓新娘想唔想。」屢傳出婚訊的小方再被爆與女友鄧麗欣（Stephy）在美國秘婚，小方說：「成日傳我結婚，離婚，再結婚，真係未有實質計劃過。」
當被再三追問婚期時，小方口窒窒扯開話題，並自爆與Stephy齊齊學健身：「我哋會喺四、五月考健身教練牌，有個伴嘛，佢知道點練腹肌o架，但練唔練就睇佢啦。」