馬德鐘風騷開年 索女餵食

陳庭欣（右）和莊思明（左）以粉絲身份餵食馬德鐘。

藝人馬德鐘、何君誠、翟威廉和許家傑等一眾無綫劇集《以和為貴》演員和監製林志華，前晚在彭懷安（Eddie）和朱慧敏於西環開設的餐廳食開年飯。朱慧敏突然出現招呼來賓，更搞笑地向「大佬」馬德鐘斟茶，令對方即時在右邊褲袋掏出一張紅衫魚當利是，但企在左邊的何君誠就有樣學樣逗利是，馬德鐘卻在左邊褲袋拿出一個兩蚊銀，明顯大細超。而同場的陳庭欣和莊思明就以粉絲身份餵馬德鐘，令陳庭欣的緋聞男友翟威廉相當妒忌。至於監製林志華就搞笑話Eddie應該在自己餐廳一條龍搞婚宴、After Party兼滿月酒，一眾演員捧腹大笑。

• 朱慧敏向「大佬」馬德鐘斟茶。

Eddie萬歲

請食飯的老闆Eddie就表示特意精選11道菜，命名為「以和為貴威震江湖」套餐，更謂：「但我未定價錢，不過一定係抵嘅！（會推出市面？）有機會，但等佢哋Pass咗先講啦！」而馬德鐘就大讚好食：「我會畀$8888！」又指自己最喜歡代表自己角色「多士哥」的蝦多士。問何君誠為何緋聞女友張名雅缺席，他即謂：「佢話同媽咪慶祝生日嘛！」但在場者均知道其實是對方婆婆生日，他就說：「原來得我一個唔清楚！」至於老闆娘朱慧敏就指收到利是好開心，更大讚馬德鐘在自己入行時已經好照顧自己：「希望可以同佢拍戲、學嘢！（個套餐收幾錢？）講心嘅，唔係講金！」

文：影視組