古仔獻Sing 千嬅病榻忍笑

演員古天樂與楊千嬅前晚在九龍灣為寰宇電影《五個小孩的校長》舉行慈善首映禮，五位童星在台上唱歌表演十分可愛，導演關信輝笑言拍攝兩大挑戰，除了五個小朋友演員，第二項挑戰是古仔在戲中唱歌。古仔也表示最難一幕就是唱歌：「真係好難忘，大家入場睇啦。」千嬅則笑謂當時講她病重在床，古仔在她身旁唱歌，她也忍笑忍到手震。

電影感人催淚，問千嬅拍攝時可有喊到眼腫？她說：「直情喊到爛埋，好感動，班小朋友做得好好，好有悟性，五個好似大人咁，佢哋係影后，多謝陳木勝、關信輝、老闆林小明畀機會我做一件好有意義嘅事。」

狀態差煞科戲重拍

千嬅又特別多謝眾演員為她「補飛」，她說：「最後拍煞科，有個鏡頭覺得拍得唔好，因為好攰喊咗18個鐘，返到屋企都耿耿於懷，打畀導演問可唔可以拍多次。之後第日再補番，麻煩咗好多人，但大家都冇埋怨，好榮幸同佢哋合作。」古天樂與千嬅第一次做夫妻，問古仔可喜歡千嬅這類型做太太，他說：「鍾意，你睇笑到咁。」問古天樂與小朋友合作困難嗎﹖他說：「冇困難。」千嬅笑說：「佢哋好乖，一見到古仔就好似五隻樹熊咁攬住佢。」

導演關信輝現身為視障人士的優先場任導賞員。

千嬅提起古仔唱歌，即大笑姑婆上身。

優先場予視障人士

此外，導演關信輝昨日在九龍灣出席優先場兼任導賞員，他表示這場優先場是為視障人士而設：「透過口述影像，等佢哋都可以享受到睇戲嘅樂趣。頭先去洗手間，有個5、60歲先生話係第一次睇戲，能夠為佢哋導賞係我嘅福氣。」

文：影視組