蘇永康掃貨唔使帶篋
【陳嘉敏巴黎直擊】蘇永康與太太在巴黎出席Alexander McQueen 2015秋冬騷，因為歐元跌他預了六位數字去掃貨，更毋須帶太多篋同行：「我同好多品牌熟，買完嘢畀多50歐元叫佢哋幫我寄返香港，我都有幫媽咪入貨做孝順仔。」問及造人大計時，他笑謂：「你叫我太太飛少啲先！」
而女星楊紫瓊、內地女星姚晨、超模秦舒培出席Shiatzy Chen騷齊齊坐頭排，姚晨坐下時不慎走光露底，認真失策。楊紫瓊完騷後到後台與品牌創作總監兼創辦人王陳彩霞會面，透露返港後再飛洛杉磯傾電影事宜，提到婚期，她說希望盡快。
至於前亞視高層盛品儒與太太蔡一鳳出席Valentino騷，蔡一鳳此行為其手錶及珠寶店在巴黎找店舖，並順道與夫暢遊浪漫巴黎。在時裝騷尾聲，荷里活笑匠賓史迪拿（Ben Stiller）與奧雲威爾遜（Owen Wilson）壓軸行騷，不少觀眾拿出手機拍照，賓史迪拿搞笑地取走觀眾手機，邊自拍邊走入後台。
