陳昭昭揼錢為o靚模平反

藝人陳昭昭、o靚模仙樂都、梁焯滿等昨日為微電影《原罪》開工，身兼老闆娘及演經理人角色的昭昭，透露今次投資50萬，拍攝o靚模在娛樂圈的辛酸史：「外間形容我係o靚模鼻祖，所以想幫佢哋平反，大家覺得佢哋貪慕虛榮，其實都有自己理想。」昭昭表示稍後公司將招攬約50名藝人，正向仙樂都招手，而於戲中慘被企圖強姦的仙樂都，透露現實生活也有類似經歷，但卻未及劇情般誇張。