謝偉倫專心唱作冇壓力
唱作歌手謝偉倫（Alan）去年尾贏得樂壇頒獎禮的新人獎項後，在昨晚舉行的「IFPI香港唱片銷量大獎2014頒獎典禮」中再下一城，與鄭俊弘（Fred）齊齊奪得新人獎，證明兩位生力軍的唱片成績標青！
非一個人努力
雖然與Fred平分秋色，但Alan不忘大讚這位對手，他接受電話訪問時表示：「大家都知Fred捱咗十年先有今日成績，依家可以同呢位師兄一齊攞獎，我都戥佢好高興。」Alan續說：「今次有咁好成績唔係我一個人嘅努力，好多謝經理人Bolie，唱片公司Neway Star嘅一班同事，同埋我爸爸，因為佢以前玩音樂嘅，佢今次喺新碟畀咗唔少意見。」
走「Rock仔」路線的Alan亦感謝搖滾界前輩黃家強及太極樂隊，在新碟發布會時現身撐場，提到今年要走出「溫室」，不再是樂壇新人，問可有壓力？他說：「我責任只會作多啲好歌，唱多啲好歌，其他嘢交畀經理人。」
一「鼓」作氣
另外，Fred前晚出席活動時亦透露受到一套音樂電影啟發，決定在事業方面一「鼓」作氣向前衝：「套戲入面個學生好畀心機練打鼓，我練歌都冇佢咁努力，依家好大衝擊，我決定之後要努力練歌！」
文：音樂組