唐詩詠G奶誘公公

無綫藝員黎耀祥、蕭正楠、唐詩詠、曹永廉、陳國邦、胡定欣、林夏薇、陳庭欣和胡諾言等昨日在將軍澳電視城為劇集《公公出宮》拜神。

大呻又重又熱

唐詩詠為了角色「裝胸作勢」，升cup變身G奶特務，她說：「劇裏面做大波特務，身材好有好有壞，不過依家啲人同我傾偈都唔係望住我對眼，好嘅係要挺直腰可以矯正寒背。（會唔會考慮隆胸？）唔會啦，希望同人傾偈有眼神接觸。短時間就開心，真係就又重又熱好辛苦，佢哋話如果我真係隆胸會夾錢畀我喎，哈哈。」

講到舊愛崔建邦傳婚訊，唐詩詠說：「唔知係咪真嘅，係真當然會恭喜佢。（同洪永城進展如何？）等我哋了解吓先。」

體重達160磅的黎耀祥積極減肥，希望減至150磅。	陳庭欣搞笑地狂扭胡諾言耳仔。	（左起）林夏薇、胡定欣和楊詩敏在新劇《公公出宮》中大放笑彈。

發福祥仔160磅

同場的祥仔自爆休息了三個月加上新年，故肥了十磅，現時達160磅，是近年來最重磅的，不過監製指《公公出宮》是喜劇，故不用他減肥，祥仔說：「我同監製講減肥係為咗自己嘅前程，依家都食少啲同跑步減豬腩肉，希望減到150磅。」

提到《公公出宮》由原本三十集加到三十五集，蕭正楠說：「可能編審寫吓寫吓覺得好咪寫長啲，希望會係台慶劇。」問到劇集加長可有影響他的工作部署？他說：「劇組好好，之前都度到期畀我去大陸做咗兩場騷，好開心。」

採訪：影視組